Pretty Little Liars - TV Series

imdb.comல் rating 7.9 (http://www.imdb.com/title/tt1578873/?ref_=fn_al_tt_1)

CSI, The Rome, Game of Thronesக்கு பிறகு நான் பார்க்கும் நான்காவது ஆங்கில தொடர். ஏகப்பட்ட நாவல்களை திரைப்படமாகவோ அல்லது தொடராகவோ அவர்களால் மட்டும் எப்படி இயக்க முடிகிறதோ?

Sara Shepard எழுதிய Pretty Little Liars seriesஐ தான் நீண்ட நெடுந்தொடரா எடுத்திருக்கிறார்கள். அந்த கதையை படிக்கும் போதே அதை serialஅ எடுத்திருக்காங்கன்னு தெரிந்ததும், torrentல் டவுன்லோடு பண்ண தேடிக்கொண்டிருந்தேன். சரியான torrent கிடைக்கவில்லை. பத்து நாட்களுக்கு முன்னாடி தான் கிடைத்தது. Season 1ஐ நானும், என் அக்காவை season 2 டவுன்லோடு செய்ய சொல்லியுள்ளேன்.

Season 1ல் பத்து episode பார்த்துள்ளேன். கதையை ஏற்கனவே படித்துவிட்டதால் முதலில் சற்று குழப்பமாகயிருந்தது. தெலுங்கு படத்தை தமிழில் எடுப்பார்களே அது போல அப்படியே எடுக்காமல் பல மாற்றங்களை செய்துள்ளார்கள். சில கதாபாத்திரங்களை புதிதாகவும், கதையில் வரும் சில கதாபாத்திரங்களை நீக்கியும் உள்ளார்கள். Emilyக்கு தங்கையில்லை, கதையில் நால்வரும் ஒரு கட்டத்தில் தான் இணைவார்கள் ஆனால் இதில் முதலிலிருந்தே இணைந்த்திருப்பார்கள். இந்த மாதிரி ஏகப்பட்ட மாற்றங்கள்.

Hannaஐ flashbackல் குண்டாக காட்ட, ஒரு படத்தில் விவேக் உடம்பில் அங்கங்கு பலூன் கட்டிக்கொள்வதை போல் செய்துள்ளார்கள். பார்க்க காமெடியாக இருந்தது.

ஒரே கதையை இரண்டு விதமாக பார்க்கிற புதிய அனுபவம். மிகவும் விறுவிறுப்பாகவும், திரில்லிங்காகவும் உள்ளது. இதுவரை மூன்று seasonகள் வந்துள்ளது. நான்காவது season June மாதத்திலிருந்து ஆரம்பமாகவுள்ளது.

Oct 15, 2013
Season 4, Episode 12 வரை பார்த்துள்ளேன். இந்த தொடரை பற்றி பல விஷயங்கள் மறந்த மாதிரி இருக்கிறது. ஜவ்வாக ஏன் இப்படி இழுக்கிறார்கள் என்று தெரியவில்லை. இன்னும் பல முடிச்சுகள் உள்ளது. ஆனால் இந்த episodeஐ பார்த்தப்பின், நான்காவது பாகத்தோடு படிப்பதை நிறுத்திய இந்நாவலை மறுபடி தொடரலாமா? என்ற எண்ணம்.

"கண்டேன் சீதையை" படத்தில் தீபா வெங்கட், ஒரு தொலைக்காட்சி தொடரை பற்றி சொல்லி, தான் 8 வருடமாக (சரியாக ஞாபகமில்லை) அத்தொடரை பார்த்து வருவதாக சொல்வார். நம்ம ஆளுங்க தான் அப்படி என்று நினைத்திருந்தேன். ஆனால் வெளிநாட்டினர் கூட எந்த அளவுக்கு தொடர்களை பார்க்கிறார்கள் என்பதை PLL பற்றி youtubeல் பார்த்த பிறகு தான் தெரிந்துக்கொண்டேன்.

ஏராளமான பேர் "A" யாராகயிருக்குமென்றும், அதற்கான காரணங்களையும் விளக்கியுள்ளார்கள். அதாவது, அவர்கள் ஒவ்வொரு episodeயும் பிரித்து மேய்ந்துள்ளார்கள். ஒரு காட்சியில் Ezra (Ariaவின் முன்னாள் காதலர், ஆசிரியர்) தன் வகுப்பில் பலகையில் எழுதிய பாடங்களில் சில வார்த்தைகளை வட்டமிட்டு, அதை ஒரு குழுவாக(hint) சொல்லியுள்ளார்கள் என்றால் அவர்கள் எந்த அளவுக்கு உன்னிப்பாக கவனித்துள்ளார்கள் என்று எண்ணிப்பாருங்கள். நான் அந்த அளவுக்கு உன்னிப்பாக கவனித்ததில்லை. அதனால் தான் என்னவோ எனக்கு கொஞ்சம் சலிப்பாக தோன்றியதோ?

Season 4, Episode 12 முடிவில் இன்னொரு "A"வை காட்டுவார்கள். நான் கூட, அந்த கதாபாத்திரம் "A"வாகயிருக்குமோ? என்று நினைத்திருந்தேன். ஏனெனில் அந்த கதாபாத்திரத்தை ஒரு flashbackல் பார்த்த மாதிரி ஞாபகம். youtubeல் ஒரு வருடத்திற்கு முன்னமே அவர் "A"வாகயிருப்பதற்கான காரணங்களை சொல்லியுள்ளார்கள்.

இத்தொடரில், இந்நாவலில் எனக்கு பிடிக்காத ஒன்று - ஒரு விஷயம் "A"ஆல் செய்யப்பட்டது என்பார்கள், ஆனால் எப்படி செய்யப்பட்டது என்று சொல்லமாட்டார்கள். ஒருத்தர் நம்மை எங்கு சென்றாலும், நாம் என்ன செய்தாலும் கண்காணிக்கிறார் என்றால் நாம் கொஞ்சமாவது எச்சரிக்கையாக இருப்போம் இல்லையா ஆனால் இதில் வரும் முக்கிய கதாபாத்திரங்கள் அப்படி இருப்பதில்லை. எதையாவதை செய்து "A"வுக்கு இன்னொரு வழி தருவது போல் தான் இருக்கிறது.

Pretty Little Liars - Novel

எழுதியவர்: Sara Shepard

நீண்ட நெடுந்தொடராக(TV Serial) எடுக்கப்பட்டுள்ளது.
imdb.com : http://www.imdb.com/title/tt1578873/?ref_=sr_1
goodreads.com : http://www.goodreads.com/series/44031-pretty-little-liars

ஐந்து உயிர்த்தோழிகளின் கதை. முதலில் அந்த ஐந்து பேரை பற்றி பார்போம்.

Ali: Queen of seventh grade. மற்றவர்களை எல்லையில்லாமல் tease பண்றவள். தன் தோழிகளின் இரகசியங்களை அறிந்தவள். தேவைப்படும்போது அந்த இரகசியங்களை வைத்து தன் தோழிகளை மிரட்டவும் செய்வாள். ஆனால் தன் இரகசியங்களை யாரிடமும் பகிர்ந்து கொள்ளாதவள்.

Aria: அப்பா, தன் மாணவியை dating செய்கிறாரென்றால்(இந்த விஷயம் Aliக்கும் Ariaக்கும் மட்டும் தான் தெரியும்), இவள் தன் teacherஐ bfக்கு தெரியாமல் dating பண்றவள்.

Emily: Lesbian, swimmer. இவள் Aliஐ kiss பண்ணினது, அவளுக்கு love letter தந்தது வேறுயாருக்கும் தெரியாது. ஒரு விஷயம் முடியுமா, முடியாதா என்பதை வேறொரு விஷயத்தின் முடிவை வைத்து முடிவு செய்பவள். நான் கூட சிறு வயதில், cricket match பார்த்துகொண்டிருக்கும் போது, இந்த overல் இந்திய வீரர்கள் 4 அல்லது 6 அடித்தால், அந்த matchஐ இந்தியா வெற்றி பெற்றுவிடுமுன்னு நினைத்திருக்கிறேன்.

Hanna: திருமணதிற்கு முன் உடலுறவு வேண்டாமுன்னு சொல்கிற bfஐ உடலுறவுக்கு கட்டாய படுத்தக்குடியவள்.

Spencer: அக்காவோட bfஐ correct பண்றதே இவள் முதல் வேலை. அக்காவோட முதல் bfஐ kiss பண்ணினது Ariaக்கு மட்டும் தான் தெரியும். படிப்புல கெட்டி.

இந்த மாதிரி கதைகளை படித்து தான் நம்ம ஊரு directorகள் serialsஅ direct பண்றாங்களோ என்னவோ? சரி, கதைக்கு வருவோம்.

பாகம் 1 - Pretty Little Liars: Seventh grade முடிந்தவுடன், Ali காணாமல் போய்விடுகிறாள். 4 தோழிகளும் பிரிந்துவிடுகிறார்கள். 4 பேருக்குமே, அவரவர்களுக்கும் Aliக்கும் மட்டும் தெரிந்த இரகசியங்கள், அவர்கள் பண்ணிய, பண்ற தில்லுமுல்லுகள்(பொய் சொன்னது, ஏமாற்றியது) குறுந்தகவலாக(text message அல்லது sms) "A"ன்னு பேர் போட்டு வருகிறது. அந்த குறுந்தகவல்கள் Aliயிடமிருந்து வருகிறதா, இல்லை வேறுயாரிடமிருந்தாவது வருகிறதா என்று தெரியாமல் குழப்பமடைகிறார்கள்.

பாகம் 2 - Flawless: Aliயின் இறந்த உடல் கிடைக்கிறது. அதனால் 4 பேரும் வேறொருத்தர் தான் எல்லா விஷயங்களையும் தெரிந்து கொண்டு இவர்களை மிரட்டுகிறார்கள் என்று பயப்பட ஆரம்பிகிறார்கள். 4 பேரும் Aliயின் சடங்கின் போது சந்தித்தாலும் "A"வைப் பற்றி யாரும் பேசுவதில்லை.

பாகம் 3 - Perfect: Hanna, Tobyயென்கிற பையனுக்கு "A"விடமிருந்து வரும் குறுந்தகவல்களைப் பற்றி சொல்கிறாள். அதன்பின், தோழிகளும் தங்களுக்குள் "A"வைப் பற்றி கலந்து ஆலோசிக்கிறார்கள். Hanna அவளின் உயிர்த்தோழி(Ali மறைந்து, தோழிகள் பிரிந்தபின்) Monaவின் partyயில் அவமானப்படுத்தப்பட்டு, Tobyயால் காப்பாற்றப்படுகிறாள். அப்பொழுது அவளுக்கு ஒரு குறுந்தகவல் வருகிறது. எல்லா குறுந்தகவல்களும் Unknown Numberன்னு வரும் போது, Hannaவுக்கு வரும் இந்த குறுந்தகவல் மட்டும் அனுப்புகிறவரின் எண்ணோடு வருகிறது. அதைவைத்து Hanna, "A" யாருன்னு கண்டுபிடித்து விடுகிறாள். மற்ற 3 பேருக்கும் சொல்ல, அவர்கள் எப்போதும் சந்திக்கும் இடத்திற்கு வர சொல்கிறாள். அங்கு வரும் மற்ற மூவரின் கண்முன்னே ஒரு கார் Hannaவின் மீது மோதுகிறது.

பாகம் 4 - Unbelievable: Hanna குணமடைந்தாலும், விபத்துக்கு முன் நடந்த சில நிகழ்வுகளை அதாவது partyயில் அவமானபடுத்தப்பட்டதையும், "A" யாருன்னு கண்டுபிடித்ததையும் மறந்துவிடுகிறாள். Monaவுக்கும் Unknown குறுந்தகவல்கள் வர, அவளும் இவர்களுடன்(Aria, Emily, Hanna, Spencer) சேர்ந்து கொள்கிறாள். ஒரு சமயத்தில், Hannaவுக்கு மறந்த விஷயங்கள் ஞாபகம் வர, தன்னுடன் இருக்கும் Ariaவுக்கும், Emilyவுக்கும் சொல்கிறாள். அதே சமயத்தில் "A" Spencerஐ கொலை செய்ய முயல்கிறார். போலீஸ் உதவியுடன் Spencerஐ காப்பாற்றி, "A" மூலமாக Aliஐ கொலை செய்தது யாருன்னு அறிகிறார்கள்.

நான்காவது பாகம் வரை "A"வையும், Aliஐ கொலை செய்தவரையும் கண்டுபிக்க முடியதாபடி கதை நகருகிறது. ஆனால் நான்காம் பாகத்தின் "About" sectionல் "A" யாரென்றும், Aliஐ கொலை செய்தது யாரென்றும் சொல்லிவிடுவதால் நான்காம் பாகத்தின் சுவாரசியம் கொஞ்சம் குறைந்து விடுகிறது.

***** Spoilers Start
Ali இறந்தபின், அவளுக்கு மட்டும் தெரிந்த விஷயங்கள் வேறோருத்தரும்  தெரிந்து கொள்ளமுடியுமானால் ஏதாவது டைரி இருக்குமுன்னு நினைத்தேன்.

இரண்டு பேர் திட்டமிட்டு செய்யும் ஒரு விஷயம், மற்றவர்கள் அவரவர்களுக்கு தெரிந்தவற்றை வைத்து எப்படி பார்ப்பார்கள்(நினைப்பார்கள்) என்ற விதத்தில் கதை சொல்லப்பட்டுள்ளது.
***** End

மொத்தம் 15 பாகங்கள் உள்ளது.